CONTOH KATA KATA SUNGKEMAN DALAM BAHASA SUNDA

 CONTOH KATA KATA SUNGKEMAN DALAM BAHASA SUNDA

Ibu kangung x ibu kandung

Duh mamah, anu ku abdi dipunjung satutup umur, kanggo abdi mamah, sugan pibasaeun anu payus dipitunjung ka mamah, ti kawit abdiii, di alam rahim, dugika lumincing ti alam lahir. Abdi mamah, anu saestuna mungguhing kana pangersa mamah, siang wengi abdi dijaga, abdi diaping, Abdi didama-dama. dinten ieu mamah abdi kasaksian kusadaya nu nyakseni yen abdi kengeng jodo, jodo ieu anugrah ti ilahi robi, berkat du’a na ti mamah.

Maah cipanon Abdi mangrupikn cipanon rumaosan karisi diri abdi, hate pisan ngedalkeunn syukur ka hadirat ilahi robi, Hapunten Abdi mamah. Manawi salami ieu abdi kagungan kalepatan. Dina danget ayena, mung du’a, bekel du’a kanggo kapayuna abdi ngalakonan kahirupan. Mugia Abdi dipaparin kabagjaan dunya akhirat.

Mah, mamah sing sehat, sing pangjang yuswa, doa Abdi kangge mamah.

Mangga aa, dipeluk mamah na….       Mangga teteh dipeluk mamahna

 

Bralll anaking, miang laki rabi, jajap ku du’a, sing waluya awet jodo, sing sugih ku asih ilahi robi, Sing beunghar kasep ku harta, sing jenggut ku elmu, sing alus mulus turunan, sing sabilulungan jeung dulur. Mamah mung bisa ngadu’akeun sangkan hirup aa sareng teteh bagja, bagja ngalakonan kahirupan kayapunan. Ngan inget kasep, geulis sing deket ka pangeran, kusabab anjena nu parantos dipenta pitulungna. Pidu’a mamah sangkan hirup anjeun sakinah mawadah warahmah.

Mangga dicium kening mamahna,, teteh aa, dicum bageur.

Salajengna mangga dicium kening putra putri ku mamah. Alhamduliaah

Cipanon anu kaluar cipanon karisi ati, kanyaah tinu janten sepuh, moal leungit kitu oge samulihna.

 

Salajengna ayeuna pentang tinglai sungkem ka mamah mertua, Kasep, bagerr Ieu ayeuna tos janten mamah anjeun, sanaos mamah mertua, teu kengeng di saha-saha ieu kasep geulis, ieu anu bakal ngagentos mamah teh. Mangga sungkem aa… teteh….

Mamah ampun paralun, isin ka kedalkeun na, beurat mamah ku abdi diucapkeunana, tangtos kauninga diri Abdi anu skieu buktos na, rupi Abdi mamah tebih nandingan arjuna sareng srikandina, sumping abdi teu cacandakan, lambut kosong eusianeun, kawawuh euweuh , lieuk euweuh ragap taya, nyanggakeun abdi sadaya-daya.

Mah,, Nanging sok sanaos kitu abdi hoyong diangken janten putra ku mamah. Wireh kaiket tikah ku tuang putra, sanaos teu aya nu disanggakeun.

Mahh ieu abdi putra anu enggal, ngedap piwulang sareng piwurukna ti mamah, sangkan abdi tiasa sasarengan sareng pun bojo, sareng pun lanceuk kalayan mawadah warahmah.

Diarangkul mamah mertua na kasep geulis mangga.

Anaking hidep diangken pisan ku mamah moal di saha-saha, sarua wae anak mamah, mihape salaki anjen, mihape pamajikan anjeun, kudu babarengan tina kataqwaan. Kasep, geulis, anjen parantos kagungan tanggung waler anu ageung, mamah mung tiasa nitip, nitip sing janten istri anu solehah, nitip sing janten suami anu tanggung jawab, imam anu leres pikeun istrina. Salajengna mamah mung tiasa ngadu’akeun sangkan hirup anjeun bagja waluya deukeut rejekina. Amin

 

Mangga dicium kening mamah mertuana kasep geulis

Mangga dicium putra putri na

Salajengna, panginten mamah mangga dihaturanan dikorsi sewang sewang.

 

Ayeuna urang ngalih, sungkem ka bapa kandung

Teh…… aa……………… Ayeuna urang ngalih sungkem ka Apa, sateuacan sungkem tingali raray Apa bageur kasep, Apa nu skieu capena nyiar rejeki kange anjeun, taya capena, ayeuna manawi anjen kagungan kalepatan ka Apa. Neda hapunten piduana ka Apa bageur.

Mangga sungkem

Apa, rumaos abdi mindeng musingkeun ka Apa, dina danget kiwari dugika ayeuna. Duh Apa, sungkeman abdi anu ngayuga anu ngabayuan, hese cape bela tur nyaahna Abdi mh kantun raosna.

Apa Abdi sujud, Abdi sujud ka Apa, sujud neda ampun, neda hapuntena Apa, manawi Apa rido seja mikaheman ka diri Abdi.

Apa, dina danget ayena Abdi tos ngemban tanggung jawab anu ageung, namung sanaos kitu abdi neda dihapunten manawi salami ieu abdi kagungan kalepatan ka Apa, teras doakeun abdi Pa. sangkan abdi tiasa hidup sasarengan sareng pun bojo, sareng pun lanceuk kalayan dina mawadah warahmah.

Dirangkul bapa kandungna bageur.

Duh anaking, ugel belahan jiwa Apa, Apa rido anaking, reg hulu pet nyawa, nyiar pakean hidep ier parantos tanggung waler Apa, kanyaah Apa ka hidep memang langka ka kedal ku lisan, karaba ku carita, nanging sanaos kitu, kanyaah Apa langkung ageng ka anjen, sabab naon anu ku Apa diperjuangkn siang wengi kango anjen sangkan anjen tiasa hidup layak sapertos nu sanesna.

Kasep geulis, belahan jiwa Apa, teu nyangki dina danget ayena anjen tos kagudang taggung jwb nu ageung, tnggung jawab janten imam, tanggung jawab janten makmum, ku Apa didoakeunn sing bagja waluya bral gera cangked anaking, gera tandang makalangan, sanghrepan nu  bakal datang, Ku Apa diadoakn sangkan hidup anjeun bagja dunya akherat. Amin Ya Alloh ya rabbal alamin.

Mangga cium kening bApa na kasep bageur, Mempeung sepuh urang aya knh,

Salajengna Apa mangga dicium putra .. alhmduliah

 

Ayeuna urang ngalih sungkem ka Apa mertua

Mangga bageur sungkem dipangkonan  Apa mertua

Apa, nyanggakan sadaya-daya, hapunten abdi anu parantos wantun ngarupakeun dipangkonan Apa, maksadna mah Abdi hoyong diangken janten putra ku Apa. Wireh kaiket tikah ku tuang putra, sok sanaos saleresna tya nu tiasa ku abdi disanggakeun ka Apa, kajaba awak sakujur sareng reregedna. Nanging, sanaos kitu Abdi hyong diangken jnten putra ku Apa.

Apa, emutan Abdi manawi Abdi aya dina jalan nu lepat, dukung Abdi upami abdi aya dina jalan sae, salajengna abdi neda piwulang sareng piwuruk ti Apa, sangkan Abdi tiasa ngalakon hirup rumah tangga bagja waluya.

Dirangkul Apa mertua na kasep bageur geulis

Anaking insya alloh sakamampuan Apa, Apa rek ngbimbing kahidep

Lantaran hidep nu rek nuluykeun lalakon kahareupna, sing deukeut kasep geulis ka pangeran sabab maneh na nu parantos dipenta pitulungna, tinggalkeun laranganna, lakokan parentahna, dina danget ayena Apa mung tiasa ngadoakn, mung hiji pesen ti Apa.  Nitip salaki anjen nitip pamajikan anjen sing bisa babarengan dina ktaqwaan. Cak gera tandan gmakalangan didoakn kunu jnten sepuh anjen sing bagja waluya. Amin ya robal alamin.

Mangga dicium kening Apa mertua

Apa mangga dicium putra putri na

Haturnuhun ka pengersa bapa……. Sareng ibu…………

Kalih bApa……….. sareng ibu…………….